Li Tirkiyê îsal bi taybetî li Stenbol, enqere û Diyarbekirê 10 êrîşên xwekujî hatin kirin. Li gor daneyên hêzên ewlehiya Tirkiyê nêzîkî 100 xwekuj hêj nekarîn xwe biteqînîn hatîne girtin. Tirkiyê piştî van êrîşên xwekujîyê biryar da ku, dibin sîwana hêzên ewlehiya Tirkiyê de yekîneyekê li dijî xwekujan ava bike.

Li Tirkiyê îsal bi taybetî li Stenbol, enqere û Diyarbekirê 10 êrîşên xwekujî hatin kirin. Li gor daneyên hêzên ewlehiya Tirkiyê nêzîkî 100 xwekuj hêj nekarîn xwe biteqînîn hatine girtin. Di van êrîşên xwekujî yên ku ji aliyê DAIŞ û PKK ve hatî kirin de, bi dehan kesan jiyana xwe ji dest dan û bi sedan kes jî birîndar bûn.

Vê hefteyê di operasyonekê de li bajarê Stenbol û Konyayê 1 xwekujê PKKê û 3 xwekujên DAIŞê hatin girtin. Li gel van kesan gelek alavên xwekujiyê, bombe û çek hatin girtin. Hat ragihandin 3 xwekujên DAIŞê xwe amade kirîbûn êrîşî çalakiya LGBTiyan bikin.

Hikumeta Tirkiyê ji ber metirsiya xwekujan û aloziyan biryar da ku, dibin sîwana hêzên ewleyihê de yekineka li dijî xwejkujan ava bike. Li gor biryarê ev yekîne dê ji yek navendê bê rêvebirin û hemî kesên girêdayî rêxistinên terorî û kesên gumanbar bişopînin.

Di vê yekîneyê de polîsên xwedî ezmûn û pispor dê kar bikin. Bi rêya avakirina vê yekineyê jî tê plankirin, xwekuj hêj êrîş pêkneanîn bên girtin û rê li ber bûyerên tund bên girtin.

K24