Barzanî ligel Serokatiya Parlementoya Kurdistanê dicive, destûr û serokatiya herêm jî xalên gotûbêjê ne.

Sekreterê Rojnamevanî yê Serokê Parlementoya Kurdistanê, Kameran Subhan di daxuyaniyekê de îro, 5ê Nîsanê, ji BasNewsê re ragihand ku, dê Serokê Herêma Kurdistanê Mesûd Barzanî ligel Serokatiya Parlementoya Kurdistanê bicive.

Kameran Subhan balkişande ser naveroka civîna çaverêkî û got: “Civîn dê taybet be bi pirsa guhertina reşnivîsa destûrê û dirêjkirina wîlayeta Barzanî.”

Li gor yasaya Serokatiya Herêma Kurdistanê, heyama serokatiyê 4 sale bo du xulan, roja 15.08.2015 heyama serokatiya Barzanî bidawî tê, piştî ku roja 31ê Hezîrana sala 2013an heyama serokatiyê bo Barzanî 2 salan hatibû dirêjkirin, piştî rêkeftinekê di navbera PDK û Yekîtiya Niştimanî ya Kurdistanê.

Basnews