Roja 8ê adarê di nav bîreweriyên mirovatiyê de rojeke pirşingdar e, ev bîranîn ku hilgira peyama azadî, wekhevî û lêbihurînê ye. Bîranîna vê rojê, bîranîna xebata berdewama zêdetir ji yek qirn û nîva ye ku, jin, azadîxwaz û wekhevîxwaz li dijî bindestî û îhmalkirina jinan û ji bona azadî, wekhevî û edaletea civakî dixebitin.

Cîyê şanaziyê ye ku, jin li Kurdistanê li meydana xebat û tekoşînê de, tevî ku ew hertim mil bi milê mêran bûn, di heman demê de ew ji jinên her civakeke din têkoşertir bûn. Dayîk û xûşkên me, weke her dayîk, xûşk û keçên şehîdên rêya rizgariya me, hertim xem û wezîfeya giran ya şoreş û berxwdanê ketiye ser milên wan, hertim bi çalakî beşdarî di xebata rizgarîxwaza gel û neteweya xwe de kiriye. Jin li civaka Kurdistanê bi kiryar îspat kiriye ku di hemû warên cudayên geşkirin û pêşkeftina civak û welêt de roleke karîger û sereke hebûye.

Îro, xweragirî, dilsozî û morala dayîk, hevjîn, xûşk û keçên her pêşmergeyekî ku, li bereyên şer hebûn û kerameta gel û welêt diparêze, ji qaremanî û dilsoziya wan pêşmergeyan nekêmtir e. Ew zilma mezina derheqê dayîk û xûşkên êzidî hatî kirin, yek ji tawanên herî mezin yên mirovatiyê ye.

Dayîk û xûşkên ezîz..Kurdistaniyên xweşdivî

Hikûmeta herêma Kurdistanê gelek bi cidî û bi qenaet di karnameya xwe de pirsa wekhevî û mafê jinan weke pirensîpeke sabit a mafên mirov û demokrasiyê, tesbît kiriye û di karnameya xwe de cîyek giring jê re daye. Niha jî, ji bilî hebûna deste û saziyên hikûmetê yên taybet bi jinan û parasatina mafên wan, li herêma Kurdistanê ji bo xebat û tekoşîna çendîn rêxistinên medenî yên taybetmend bi warê jinan û mafên wan aqarek baş heye. Ev yek jî wezîfeyeke neteweyî û mirovî ya giring e û hikûmet, tevî berdewambûn li ser piştgiriya van karan, karên zîdetir û karîgertir jî ji bo vê pirsê dike.

Di vê bîranînê de,mji bo wan xûşkên qareman yên di çeperê pêşmergayetî û berxwedanê de ji bo mafên neteweyî û niştimanî canê xwe gorî kiriye, em bejana xwe ditewînin.

Bi germî jî pîrozbahiya hemû jin û wekhevîxwaz û azadîxwazên Kurdistan û cîhanê dikin.

Ber bi civakek wekhevî û xurtkirina kultura lêbihurînê û mirovdostiyê û jiyaneke pirî ji xweşî û pêşketinan.

Bilind û bi rûmet be bîranîna 8ê adarê, roja cîhaniya jinan

Civata wezîrên herêma Kurdistanê

07.03.2015