Vê sibehê çekdarên rêxistina DAIŞê dest bi têkbirina şûnwarên Hezer (80 km başûrê Mûsilê) kirin, ku bajarekî pir kevnar e û vedgere bo serdema 2yemîn a zayînî.

Berpirsê ragihandina şaxa Mûsilê ya Partiya Demokrat a Kurdistanê (PDK) Seîd Memozînî ji Rûdawê re ragihand: “Çekdarên DAIŞê îro serê sibehê bi girêderê, dest bi têkbirina bajarê Hezer ê dîrokî kirin.”

Mûsilê Seîd wiha domand: “Hezer bajarekî pir kevnar e û 4 paşayên mezin ên xristiyanan bi navê Wilciş, Sentroq, Ebid Sîma Sentroq Derhem hûkim tê de kirine.”

Derbarê girîngiya wî bajêrî, Memozînî wiha domand: “Gellek şûnwar li wir hene, ku nêzîkî 2 km cih giritiye.”

Bi gotina berpirsê ragihandina şaxa Mûsilê ya PDKê, “Çekdarên DAIŞê diravên kevin ên serdema wan paşayan dizîne, ku li wir veşartîbûn û ji zêr û zîv pêk tên.”

Wezareta geştyarî û şûnwaran ya Iraqê duh ragihand ku çekdarên DAIŞê bajarê Nemrûd yê dîrokî li parêzgeha Neynewayê têk birin.

Sekreterê giştî yê Neteweyên Yekbûyî Ban Kî Moon, Koşka Spî û Ezhera Misrê têkbirina navçeya Nemrûd ya dîrokî li Iraqê ji aliyê DAIŞê ve, şermezar kirin.

Rudaw