Hevserokê Kantona Cizîrê ya Rojavayê Kurdistanê Şêx Himêdî Deham daxuyaniya berdevkê Îtilafa Sûriyê Salim El-Muslit ku gotibû hêzên kurdî li çend deverên Cizîrê mafên ereban binpê kirine, red dike.

Şêx Himêdî Deham El-Hadî, ku bi xwe jî ereb e, di daxuyaniyeke taybet ji Rûdawê re ragihand ku hêzên kurdî li Til-Hemîs û Til-Birakê zulm li ereban nekirine.

Şêx Himêdî herwiha got ku daxuyaniya Îtilafê dereweke mezin e û gerek ew ji nûçeyên xwe piştrast be berî ku daxuyaniyan belav bike.

Hevserokê Kantona Cizîrê ragihand ku ew mafê ereban li Kantona Cizîrê diparêze û got ku wî zarokên xwe şandine Til-Hemîsê da ku haya wan ji ereban hebe…

Rudaw