Li gorî lêkolîn û rapirsiya ku navenda Lêkolînê ya Optîmarê kiriye, di hilbijartinên 7ê Hezîrana îsal ên Tirkiyê de, AK Partî dê %49.1ê dengan û HDP jî %7.8ê dengan bidest bîne.

Nêzîkî 3 meh ji hilbijartinên îsal ên Tirkiyê re mane lê ev demek e girmegirma hilbijartinan dest pê kiriye. Her roj rapirsî û analîz tê kirin û encamên wan tên şirovekirin.

Rapirsiya herî daw li ser hilbijartinan, ji aliyê navenda lêkolînê ya bi navê Optîmarê ve hatiye kirin. Li gorî encamên wê rapirsiyê, AK Partî dîsa yekemîn e lê dengên HDPê, ku biryar daye wek partî tevlî hilbijartinan bibe, têra wê nake ku benda hilbijartinan derbas bike…

Serokê Optîmarê Hîlmî Taşdemîr li ser vê yekê ji Rûdawê re got, dengên HDP derdora %8 e lê ez bawer nakim HDP bikaribe benda hilbijartinan derbas bike.

Rudaw