Di berdewamiya serdana xwe ya bo Vatîkanê de, şandeya herêma Kurdistanê a bi serokatiya Nêçîrvan Barzanî serokwezîrê herêma Kurdistanê, roja duşemiyê 02.03.2015ê li Vatîkanê ji aliyê wezîrê derve yê Vatîkanê ve hatin pêşwazî kirin û di civînekê de wezîrê derve yê Vatîkanê kêfxweşiya xwe li hember serdana şandeya herêma Kurdistanê bo Vatîkanê diyar kir û tekîd kir ku, ew rewşa herêma Kurdistanê û rewşa nuha li deverê heye bi berdewamî dişopînin û got ku, ew kêfxweş e îro ji nêzîk û ji şandeya herêma Kurdistanê bi xwe guhdarîya rewş û pêşhatên dawîn yên herêma Kurdistan, Îraq û deverê dike.

Di civînê de; rewşa bereyên cenga dijî terorê, pêşdeeçûn û serkeftinên pêşmergeyê Kurdistanê li bereyên şerê dijî DAÎŞê, şikestin û paşdekişîna rojaneya terorîstên DAÎŞ li bereyên şerî û hin mijarên din hatin gotûbêj kirin.

Behsa rewşa koçber û penaberên li herêma Kurdistanê hat kirin û tekîd li ser pêwîstiya pêşkeşkirina alîkarî û hevkariyên zêdetir ji aliyê welatên komekbexiş û civaka navdewletî ve hat kirin.


Wezîrê derveyê Vatîkanê sipasiya hikûmet û xelkê Kuedistanê kir ku, bê cudahê pêşwazî li tev koçber û penaberan kiriye û hewandine û alîkarî pêşkeşî wan kirine, herwesa rola herêma Kurdistanê di berhingarbûna terorê de û bergirîkirin û parastina teva pêkhateyên cudayên dever ji êrîşên terorîstan bilind nirxand û got ku, ev helwesta herêma Kurdistanê li cem Vatîkan û civaka navdewletî gelek bi qedir û qîmete.

Têkeliyên herêma Kurdistan û Vatîkanê û têkeliyên herêma Kurdistanê digel dewletên cîran hin mijarên din yên civînê bûn.

Di vê civînê de; cêgirê serokwezîrê herêma Kurdistanê, wezîrê ewqaf û karûbarên olî, berpirsê têkeliyên derve yê hikûmeta Kurdistanê, peyvdarê hikûmetê û nûnera hikûmeta Kurdistanê ya Îtaliyayê amade bûn.