Sekreterê Giştî yê Hizbûlaha Libnanê Hesen Nesrulah pesnê rûbirûbûna hêzên kurdî û artêşa Iraqê ê milîsên şîe li dijî rêxistina DAIŞê dike û dibêje, eger ne ji wan ba, niha çekdarên DAIŞê gihîştibûn bajarê Mekeyê yê Erebistana Siûdî.

Hesen Nesrulah di gotinekê de li paytexta Libnanê Beyrûtê behda şerê li Iraqê kir û ragihand: “Divê cîhan bi awayekî tundtir şerê komên çekdar li Iraqê bike.”

Herwiha Nesrulah ji aliyê siyasî ve daxwaza alîkariyê ji bo Hikûmeta Iraqê kir û got: “Divê ev hihûmeta yekgirtî were parastin.”

Sekreterê Giştî yê Hizbûlaha Libnanê berê xwe dide welatên Kendavê û dibêje: “Ne ji hêzên kurdî û artêşa Iraqê ê milîsên şîe ba, niha DAIŞ gihîştibû Kiwêt û Erebistana Siûdî. Çavê wê rêxistinê ne tenê li Bexdayê bû, lê belê çavê wan li Meke û Medîneyê bû.”

Hesen Nesrulah ji welatên Kendavê re dibêje: “Ew hêzên han, kursî û erş û petrola we diparêz in.”

Derbarê şerê li Sûriyê jî, Nesrulah daxwaz kir ku Hikûmet û dijbereya Sûriyê lihev bikin ji ber ku we ew dibêje, “Lîstik bi dawî hat. Divê çareseriyeke siyasî ji wê rewşê re were dîtin.”

Rudaw