Serokomarê Fransayê François Hollande ligel şandeke Partiya Yekîtiya Demokrat (PYD) û Yekîneyên Parastina Jinan (YPJ) li Parîsê civiya.

Li gorî daxuyaniyeke Navenda Medyayî ya PYD, şanda Rojavayê Kurdistanê ji hevserokên PYDê Asya Ebdulah û Salih Mislim û fermandara YPJê Nesrîn Ebdulah pêk hatibû.

Di daxuyaniyê de hat gotin ku şandeyê ligel Hollande di derbarê Kobanî û bi taybetî jî li ser çawaniya rûbirûbûna DAIŞê gotûbêj kirine.

Herwiha di daxuyaniyê de hatiye gotin ku pirsa koçberan û jinûve avakirina Kobanî jî bi Hollande re hate axaftin.

Hat ragihandin ku helwesta Hollande di vê hevdîtinê de erênî bûye û biryar e ku ew şanda Rojavayê kurdistanê serdana çend welatên din yên Ewropayê bike û hevdîtin û gotûbêjan pêk bîne.

Rudaw