Şeva borî gotegotek hat belavkirin ku dibêje firokeyên hevpeymanan bişaşî otombîleke Pêşmerge bombebaran kirine, lê Wezareta Pêşmerge dibêje ti bûyereke ji wî corî neqewimiye û wê gotegotê bi dûr ji rastiyê dide zanîn.

Wezareta Pêşmerge ya Hikûmeta Herêma Kurdistanê red dike ku, ti Pêşmergeyek bi sedema bombebaran kirina firokeyên hevpeymanan şehîd û birîndar bûbe.

Şeva borî, 07.02.2015, gotegotek hatibû belavkirin ku, li eniya Guwêr-Mexmûrê firokeyên şer ên hevpeymanan bi şaştî otombêleke Pêşmergeyan bombebaran kirine û ji ber wê yekê, hejmarek Pêşmerge şehîd û birîndar bûne.

Rêveberê Ragihandinê li Wezareta Pêşmerge Helgurd Hikmet ji BasNewsê re got: “Ti Pêşmergeyek ji ber bombebaran kirina firokeyên şer ên hevpeymanan şehîd û birîndar nebûye û ew nûçe jî dûre ji rastiye.”

Çend rojin, firokeyên welatên hevpeymanan dijî pêgehên çekdarên DAIŞ`ê li sînorê parêzgeha Mûsilê bi dijwarî bombe baran dikin, vê yekê jî zirareke mezin bi pêgehên çekdarên wê rêxistinê kirine.

Basnews