Duh în 23.01.2015 li baregeha Fermandeya Hêzên Pêşmergeyên Kurdistanê ya li mîhwera Rojavayê Dîcle birêz Mesûd Barzanî Serokê Herêma Kurdistanê pêşwaziya birêz Kosret Resul Elî Cîgirê Serokê Herêma Kurdistanê û Cîgirê Yekemê Sekreterê Giştî yê Yekîtiya Nîştîmaniya Kurdistanê û Dr. Berhem Ehmed Saleh Cîgirê Duyemê Sekreterê Yekîtiya Nîştîmaniya Kurdistanê û şandekî li gel kir ku ji Herêm Kemal Axa û Şalaw Kosret Resul Endamên Serkirdayetî û Rêbaz Bêrkotî Serokê Fraksiyona Sewz(Kesk) li Encûmena Parêzgeha Hewlêr û Derbaz Kosret Resul Wezîrê Avadankirin û Nîştecîhkirina Hikûmeta Herêma Kurdistanê pêkhatibûn.

Di vê kombûnê da şanda mîhvan destxweşiyê li Serok Barzanî û Hêzên Pêşmergeyên Kurdistanê kir ji bo wan serkeftinên ku li bereyên rûbirûbûna terorîstan de bi dest ve anîne û serxweşiyê jî li kesukarê wan Pêşmergeyên qehremanan kir ku li şerê dijî terorîstên Da'îş de şehîd bûne û hêviya başbûnê jî ji bo birîndaran xwestin.

Her li vê civînê de rewşa navçeyên azadkirî û bereyên şer hate nirxandin û tekez li ser palpiştîkirina hêzên Pêşmerge kirin û di derbarê rewşa siyasî û emnî ya Iraqê guftûgoyê kirin.

Her wiha li vê hevdîtinê de behsa pêwîstiya parastina yekrêziya di navbera aliyên siyasiyê Kurdistaniyan li vê rewşa dijwar û pir tehdîd de kirin û tekez li wê yekê kirin ku yekrêziya di navbera aliyan û piştgîriya hêzên Pêşmerge mîsogeriya serkeftina gelê Kurdistane.