Li gor raporta Kampaniyaya Bergirîkirin li Girtiyên Siyasî û Sivîl, bi fermana Dezgeha Dadê ya Komara Îslamî ya Îranê, di heyama meha borî de 73 welatî di girtîgehan de hatine darvekirin û di nava wan 73 kesan de, 15 kes welatiyên Kurdê Rojhilatê Kurdistanê bûn û duh Çarşemê jî 12.01.2015`an 3 kesên din hatin darevkirin.

Her li gor wê raportê û piştgirêdan bi raporta çalakvanan û navendên bergirîkirin li mavên mirovan, ew rêjeya ku hatine darvekirin ji 20–21.12.2014 heta 20.01.2015`an hatin hejmarkirin û bêguman amara rasteqîne ji wê rêjeyê bêhtire.

Di wê raportê de hatiye ku, beşekî pir ji wan girtiyên hatinî darvekirin, bi tuhmeta bikaranîn û bazirganîkirin bi maddeyên hişbir, ji aliyê Dezgeha Dada Komara Îslamiya Îranê û navendên ewlekariyê ve hatine darvekirin û beşekî jî, çalakvanên siyasî û sivîlin, lê dibin navê tawana maddeyên hişbir de têne ceza kirin.

Niha jî, bi dehan çalakvanên siyasî, sivîl û rewşenbîrî yên Kurdên Rojhilatê Kurdistanê di girtîgehên Îranê de cezaya darvekirinê li serin, yan jî cezaya girtina demdirêj bo wan hatiye birîn.

Basnews