Fermandeyekî Pêşmerge li eniya Zumarê aşker kir ku, bi fermana Serokê Herêma Kurdistanê Mesûd Barzanî, di dema kontrolkirina her navçeyekê, çênabe Pêşmerge biçin nava gund û nahiye û qezayan.

Fermandeyê fewca 2 a ser bi Wezareta Pêşmerge ve neqîb Telal Zengene ji BasNewsê re got: “Bi fermana Serokê Herêma Kurdistanê Mesûd Barzanî û Fermandarê Giştî yê Hêzên Pêşmergeyên Kurdistanê, çênabe ti Hêzeke Pêşmerge di dema êrîşan de bo azadkirina her eniyeke şer, biçin nava gund, bajarok û avahiyan.”

Neqîb Zengene got jî: “Armanca Barzanî ji vê biryarê ewe ku, Pêşmerge êdî bi sedema bombeyên ku ji aliyê terorîstên DAIŞ`ê ve hatine çandin neyên şehîdkirin, çûnkî çekdarên DAIŞ`ê xaniyan bombe dikin daku bi Pêşmergeyan de biteqin.”

Zengene got jî: “Ev biryar piştî wê yekê tê ku, di heyama şerê Pêşmerge û DAIŞ`ê de piraniya Pêşmergeyan bi bombeyên çandî şehîdbûne, lewma çênabe Pêşmerge biçe nava ti gund, qeza û nehiyekê ku nû rizgarkirine, heta Yekeya Endezyariya Hêzên Pêşmergeyên Kurdistanê wê navçeyê ji bombe û teqemeniyan paqij bike.”

Basnews