Serokwezîrê Kurdistanê pêwşaziya Genral Samuel Mayall kir.

Duh li Hewlêrê Serokwezîrê Kurdistanê birêz Nêçîrvan Barzanî pêşwaziya nunerê taybetî yê Serokwezîrê Berîtanyayê bo karûbarên asayîşa Kurdistanê jenral Samuel Mayall û heyeteke pê re kir.

Di hevdîtinê de Mayall ragehand ku mebest ji vê serdana han agehdar bûn ji pêşhatên leşkerî û rewşa meydaniya eniyên şer û herwiha pêdiviyên hêzên pêşmerge û bernameya perwerde kirina hêzên pêşmergeye yaku ji aliyê Berîtanyayê ve tê pêşkêşkirin.

Di berdewamiya hevdîtina han de Nêçîrvan Barzanî û Mayall behsa serkeftinên hêzên pêşmerge yên li hember terorîstên DIŞIê bi taybetî li Şengal û derdorê kirin û Mayall ev serkeftinên han bi serkeftinên mezin wesif kir û spasiya hêzên pêşmerge kir û hevxemiya xwe jî bo kesûkarên şehîdan diyar kir.

Mayall herwiha daxwaz ji wezareta pêşmerge kir daku pêdiviyên xwe yên leşkerî bike weke raportekî û radestî aliyên tikildar yên Berîtanyayê bike daku Berîtanya lêkolîn li ser wan bike û hevkariyên zêdetir pêşkêşî pêşmerge bike.

Li hember de jî Serokwezîrê Kurdistanê spasiya hikûmeta Berîtanyayê kir ku hevbeşeke girîne ya hevpeymaniya cîhanî ya li dijî DIŞIê ye û tekez li ser vê yekê kir ku hevkariyên Berîtanyayê bo hêzên pêşmerge gelek bisûd bûne û hêvî xwest ku hevkarî û piştgîriya Berîtanyayê bo Kurdistanê bidome.