Duh Çarşemê di êrîşeke çekdarî de bo ser avahiya rojnameya Charlie Acevedo 12 kes hatin kuştin ji wan kuştiyan 8 rojnamevanin.

Di vê derbarê de, rojnameyên Ferensayê li ser zarê polîsan belavkirine ku, sê kesên tohmetbarên wê êrîşê, du ji wan birane û binavê Seîd Kiwaşî û Şerîf Kiwaşî ne û navê kesekî din jî bi navê Hemîd Mirad belavkirine.

Birayên Kiwaşî temenê wan di dehê sêyem dene û nasnameya Seîd li derdora Parîsê hatiye dîtin û herdu bira nû ji Sûriyê vegryane, ev li gor axaftina polîsê Ferensayê.

Îro Pêncşem 08.01.2015`an berdevkê Dadgeha Ferensa got: “Hemîd Murad li bajarê Şarilwîlê ya bi 200 kîlometran li bakurê–rojavayê bajarê Parîsê, xwe radestî polîs kiriye.”

Her wî berdevkê polîs got jî: “Wî kesî bi xwe ji polîs re gotiye ew tawanbare, piştre polîs ew girtiye û li torên civakî jî, weha hatiye belavkirin ku, Hemîd xwe bi yek ji tuhmetbaran daye nasîn.”

Li gor nûçeyên dezgehên Ferensa, Şerîf Kiwaşî di sala 2008`an de bi tuhmeta şandina çekan bo Iraqê hatibû girtin û piştre hatiye azadkirin.

Basnews