Li Iraqê di sala 2014an de zêdetirî 15 hezar kesên sivîl û leşkerî hatine kuştin.

Hikûmeta Iraqê ragihand, piştî bûyera teqandina her du ziyaretgehên şîe li bajarê Samerayê di sala 2007an de, sala 2014an sala herî bixwîn a Iraqê bû.

Li gorî amarên wezaretên Tenduristî, Navxwe û Parastinê yên Iraqê, sala borî 15 hezar û 538 kes li Iraqê hatine kuştin, lê sala 2013an tenê 6 hezar û 522 kes hatibûn kuştin.

Lê sala 2007an, 17 hezar û 956 kes li Iraqê hatin kuştin.

Piştî ku bajarên Enbar, Romadî, Fellûce û Mûsil ji aliyê DAIŞê ve hatin girtin, rêjeya kuştinê li Iraqê pir zêde bû.

Piştî Sûriyê, Iraq welatê herî bixwîn ê cîhanê bû. li Sûriyê sala borî, li gorî amarên saziyên navdewletî yên mafên mirov, 39 hezar kes hatin kuştin.

Rudaw