Li eniya Xûrmatû vê sibê Pêşmergeyên Kurdistanê derbeyên dijwar li çekdarên DAİŞ’ê dan û karîn 4 gundên din ji DAİŞ’ê paqij bikin. Herwiha hat ragehandin ku niha Hêzên Pêşmerge ber bi nehya Silêman Beg ve diçin.

Di vê derbarê de çavkaniyekê ji Hêzên Pêşmerge agahî dan BasNewsê û got: ‘’Îro Hêzên Pêşmerge yên Kurdistanê karîn gundên Engîce, Selam, Hebeş û Hese Delo yên sînorê qezaya Xurmatû ji çekdarên DAİŞ’ê paqij bikin û gelek termên çekdaran jî bicîh mane.’‘

Hat zanîn ku Pêşmergeyên Kurdistanê bi çekên giran ligel Hêza Bedir û piştgiriya balefirên şer ên İraqê ber bi nehya Silêman Beg ve diçin. Ji aliyekî din ve jî tê gotin ku Hêza Bedir û artêşa İraqê hewl didin bighin nehya Amirlî ku zêdeyî 80 roj dibe ji aliyê çekdarên DAİŞ’ê ve hatiye dorpêçkirin.

Basnews