Vê sibê Hêzên Pêşmerge yên Kurdistanê li eniyên şer ên Tisiqûf, Naweran û bendava Mûsilê êrîş birin ser pêgehên DAİŞ’ê û derbeyên dijwar li çekdarên wê grûbê dan û hinek navçe rizgar kirin.

Di vê derbarê de çavkaniyekê ji Hêzên Pêşmerge agahî dan BasNewsê û got: ‘’Vê sibê Hêzên Pêşmerge yên Kurdistanê nehya Tilsiqûf û hejmarek gundên nêzîkê Tilkêf û beşê rojhilatê bendava Mûsilê rizgar kirin û her ber bi pêşde diçin.’‘

Heman çavkaniyê da zanîn ku di van êrîşan de zêdeyî 20 çekdarên DAİŞ’ê hatine kuştin, 6 Hummerên wan hatine şewitandin û herwiha dest danîne ser gelek çek û teqemeniyên çekdarên DAİŞ’ê.

Çavkaniya Pêşmergeyên Kurdistanê da zanîn ku Pêşmerge her ber bi pêş de diçin û di nêzîk de wê navçeyê ji çekdarên Dewleta Îslamî ya İraq û Şamê (DAİŞ) paqij bikin.

Basnews