Sefîrê Kanadayê yê Îraqê, duhî roja yekşemiyê 10.08.2014ê li bajarê Hewlêrê, bi aramnaca ji nêzîk haydarî rewşa emnî û siyasî bibe û guh li hikûmeta herêma Kurdistanê bigire ka di warê alîkariyên mirovî û leşkerî de çi pêwîste, serdana fermangeha têkeliyên derve kir û ji aliyê Felah Mistefa berpirsê têkeliyên derve yê hikûmeta herêma Kurdistanê ve hat pêşwazî kirin.

Felah Mistefa ji şandeya mêvan re behsa rewşa eminî û mirovî kir û got ku, hikûmeta herêma Kurdistanê, ji bona bikare şerê dijî terorê bike û weke pêwîst alîkariya penaberên hatine herêma Kurdistanê bike, pêwîstî bi piştevaniya civaka navdewletî heye.

Sefîrê Kanadayê yê Îraqê rola hikûmeta herêma Kurdistanê di şerê li dijî terorê û pêşwazîkirina wê hijmara zêdeya koçber û penaberan bilind nirxand û sipasiya hikûmeta herêma Kurdistanê kir. Sefîrê Kanadayê got ku, hikûmeta wî piştevaniya biryara Amerîkayê a di warê êrîşên balefirên cengî bo ser çekjdarên DAÎŞ dike û hikûmeta Kanadayê dest bi hinartina alîkariyên mirovî û leşkerî bo herêma Kurdistan û Îraqê kiriye.

Felah Mistefa berpirsê têkeliyên derve yê hikûmeta herêma Kurdistanê bi navê hikûmeta herêma Kurdistanê sipasiya helwest, hevkarî û piştevaniya Kanadayê bo hêzên pêşmerge û koçberên li herêma Kurdistanê hene, kir. Mistefa got ku, hêzên pêşmerge li şûna gişt civaka navdewletî şerê terorê dike ji ber hindê pêwîste civaka navdewletî bi awayekî rasterast alîkarî û piştgiriya hikûmeta Kurdistanê bike.

Her yek ji Mayîkil Kelan rêvebirê giştî bo karûbarên Rojhilata Navîn li wezareta geşepêdanên navdewletî a hikûmeta Kanadayê û Karwan Cemal cîgirê berprisê têkeliyênderve amade bûn.