Bi biryara Serokê Parlamentoya Kurdistanê Yusif Mihemed, 100 milyon dînar li ser budceya Parlamentoyê ji koçberên Şingalê re hat şandin.

Di vê derbarê de Cîgirê Komîteya Darayî ya Parlamentoya Kurdistanê Elî Heme Salih ji BasNewsê re got: ‘’Bi biryara Serokê Parlamentoya Kurdistanê 100 milyon dînarê İraqî wek hevkarî ji koçberên çiyayê Şingalê re hat şandin.

Elî Heme Salih wiha axifî: ‘’Ew hevkarî ku bi rêya ofîsa parlamentoyê ya Duhokê hatiye şandin, ji pêdiviyên jin, zarok, xwarin û vexwarinê pêk tê û bi rêya balefirê ji koçberan re hatiye şandin.’‘

Heme Salih da zanîn ku ew pereyên han ji budceya taybet a Parlamentoya Kurdistanê hatine veqetandin ku sînordar e û axaftina xwe wiha qedand: ‘’Dê hevkariya zêdetir jî bo koçberan were şandin.’‘

Rudaw