‘‘Divê hevwelatî ji propagandeya dijmin bawer nekin’‘
Derbarê rewşa dawî de Wezareta Navxwe ya Herêma Kurdistanê daxwiyaniyek da û daxwaz ji xelkê Kurdistanê kir ku moralê wan bilind be û ji propagandeyên gelê Kurd û Kurdistanê bawer nekin.
Di daxwiyaniyê de wiha tê gotin: ‘’Niha ku Kurdistan ketiye ber êrîşa terorîstan û bi awayekî jî berevaniyê li xwe dike, pişt bi Xwedayê mezin, hîmet û xweragiriya xelkê Kurdistanê û canfedayiya Pêşmergeyên qehreman dijmin û dilnexwaz tên şikandin û serkeftin bo gelê Kurdistanê ye.’‘
Wezareta Navxwe ya Kurdistanê daxwaz ji hevwelatiyan kir ku moralê wan bilind be û xweragir bin. Daxwiyanî wiha berdewam dike: ‘’Li piraniya cepheyên şer derbeyên dijwar li çekdarên DAİŞ’ê hatine xistin û şikestine. Em hevwelatiyên birêz piştrast dikin ku dijmin lawaz e, bêhêz e û ew hêza wan niye ku gefê li bajarê Kurdistanê bixwin.’‘
Daxwiyaniya wezaretê wiha bi dawî dibe: ‘’Divê baweriya me hemûyan bi xwe, Hêzên Pêşmerge û Hêzên Asayîşa Kurdistanê hebe û kes guhê xwe nede propagande û şerê derûnî yê dijmin û bêguman serkeftin gelekî nêzîk e.’‘
Basnews
