Li bajarokê Celewla yê parêzgeha Diyale ya Iraqê, hêzên Pêşmerge êrişeke çekdarên rêxistina îslamî ya bi navê DAIŞê têk didin û vala derdixin.

Saet 8ê îşev çekdarên DAIŞê li taxên Tecnîd û Wehde yên bajarokê Celewlayê êrişî hêzên Pêşmerge kirin ji ber wê jî şerekî giran derket û du saetan ajot.

Li gorî agahiyên peyamnêrê Rûdawê, di wî şerî de tiştek bi ti pêşmergeyekî nehatiye lê kuştî û birîndarên DAIŞê jî nayên zanîn.

Beşek ji bajarokê Celewlayê di bin destê hêzên Pêşmerge de ye û beşek jî di bin destê DAIŞê de ye ji ber wê jî gellek caran li wir şer derdikeve.

Êrişa îşev a DAIŞê ji bo girtina wan du taxan bû ku ev demek e hewla vê yeê dide lê her dem rastî bersiva tund a hêzên Pêşmerge tê.

Rudaw