Serokwezîrê Iraqê yê ku kar birêvedibe, Nûrî Malikî tekîd kir ku posta serokomar ji Kurdan re ye lê çend merc ji bo namzedê wê postê diyar kirin.

Malikî di goatara xwe ya heftane de behsa posta serokomarê Iraqê kir û diyar kir ku ew post ji bo Kurdan yekalîbû ye.

Lê Malikî çend merc ji bo namzedê Kurdan ê serokomariyê destnîşan kirin û got ku “divê ew kesekî hêjayî be, rêz li destûr û yekîtiya axa Iraqê bigre û li dijî perçekirina axa Iraqê be”.

Serokwezîrê Iraqê derbarê wan daxuyaniyan de ku behsa perçebûna Iraqê dikin got “Ev yek ti carî sernagire û eger serbigire jî wê ne tenê cografyaya welat perçe bibe, lê belê saman û gelê wî jî dê perçe bibin”.

Malikî ji Komkara Erebî û cîranên Iraqê xwest ku li dijî perçekirina Iraqê rawestin û hişyarî da ku “eger li dijî nesekinin dê agirê perçebûnê bigihe hemû welatên ku zêdetirî netewe û mezhebekê tê de dijîn”.

Malikî bal kişande ser hilbijartina serokatiya Parlamentoya Iraqê û xwest ku serokomarê Iraqê jî zû bê hilbijartin.

Rudaw