Biryar e di nêzîk de şandeke Yekîtiya Niştimanî ya Kurdistanê (YNK) bi serokatiya Endama Polîtburoya YNK’ê Hêro Îbrahîm Ehmed serdana Îranê bikin û ligel berpirsên wî welatî bicivin.

Di vê derbarê de çavkaniyeke pêbawer ku nexwest nav were eşkere kirin ji BasNewsê re got: ‘’Şanda YNK’ê ku dê serdana Îranê bikin ji endamên polîtburo Hêro Îbrahîm Ehemd, Necmedîn Kerîm û Serokê Encûmena Navendî ya YNK’ê Adil Mûrad pêk tên.’‘

Heman çavkaniyê da zanîn ku şanda Yekîtiya Niştimanî ya Kurdistanê dê ligel rayedarên Komara Îslamî ya Îranê serxwebûna Kurdistanê û peywendiyên navbera YNK û Îranê gotûbêj bikin.

Basnews