Li gor daneyên rêxistinên însanî, ji dû-sê rojên rabirdû ve û heta niha 300 hezar kes ji bajarê Mûsilê koçberî derveyî bajêr bûne û piraniya wan ber bi navçeyên Kurdistanî yên derveyê herêmê û Herêma Kurdistanê hatine. Herwiha tê çaverêkirin ku hejmara koçberan bigihe yek milyon kes.

Hêjayê gotinê ye piştî wêya şeva borî şer û pevçûneke dijwar di navbera çekdarên DAİŞ û hêzên ewlekariyê yên Mûsilê de derket û çekdarê rêxistina navbirî karîn avahiya parêzgar, binkeyê polîs û firokexaneya bajêr kontrol bikin, xelk bi qeflan ji bajêr reviyan û berê xwe dan Herêma Kurdistanê.

Ji aliyekî din ve Hêzên Pêşmerge yên Kurdistanê ji bo parastina can û malê hevwelatiyên Kurd li derdora Mûsilê bicîh bûne û niha hinek taxên bajêr jî di jêr kontrola wan de ne, herwiha niha Bendava Mûsilê û Rebîe jî ketine bin kontrola hêzên Pêşmerge.

Basnews