Duh şandeyeka komara Îslamîya Îranê bi mebesta vekirina pîşangeheka navdewletîya kel û pelên Îranî li bajêrê Hewlêrê, serdana herêma Kurdistanê kir.

Şandeya han ji nûnerê serokê komara Îslamîya Îranê Kazimî Qumî û parêzgarê Wirmê Su`adet Elî û çend berpirsên dinên Îranê pêk dihê û li sînûrê navdewletîya Hacî Omeran ji alîyê cihgirê parêzgarê Hewlêrê û qayimqamê Soran û qayimqamê Çoman ve hatin pêşwazîkirin.


Parêzgarê Wirmê ragihand, ku komara Îslamîya Îranê dostekî nêzîkî herêma Kurdistanê ye û Îran dixwaze bi hev re di hemû biwaran de hevkarîya hevdu bikin û di bareya petrolê jî de, Îran amadeye petrola herêma Kurdistanê di rêya borîyê û tankeran û şemendeferê de vebiguhêze.