Nêçîrvan Barzanî serokê hikûmeta herêma Kurdistanê, roja çarşemiyê 4ê gulanê li bajarê Hewlêrê pêşwazî li dostê dêrînê gelê kurd û sosiyologê tirk Îsmaîl Beşikçî kir.



Di dîdarekê de, Nêçîrvan Barzanî kêfxweşiya xwe li hemer serdana Beşikçî bo herêma Kurdistanê, wergirtina diktoraya fexrî li zanîngeha Selahedînê û binavkirina hola zanîngeha Silêmaniyê bi navê Beşikçî nîşan da û daxwaza salemiyek baş û jîyekê dirêk jê re xwest.



Beşikçî behsa serdana xwe ya bo herêma Kurdistanê kir û got ku, wî serdana deverên Amêdiyê, Barzan, Akirê, Çoman û Hacîomneran kirye û li hember dîtina cî û wargehên serokatiya şoreşa Îlonê kêfxweşia xwe diyar kir. Beşikçî got ku, herêma Kurdistanê di hemû waran de gelek pêşkeftî ye û girngîdana hikûmetê û xelkê Kurdistanê bi parastina jîngehê û ajelên kûvî li deverên çiyîyên Kurdistanê bilind nirxandin.



Ronakbîrê navdarê tirk û dostê dêrînê gelê kurd di berdewamiya axaftina xwe de behsa wê yekê kir ka çawa beriya pêncî salan yekem ca gelê kurd û axa Kurdistanê nas kir û behsa girngiya berbipêşvebirina têkeliyên navbera herêma Kurdistanê û Komara Tirkiyeyê kir û ew pêkvejiyana netewe, ol û mezhebên cuda û parastina kultûrê pêkvejiyan û lêbihurînê li herêma Kurdistanê heye bi giring û pîroz wesif kir.



Di dîdarê de behsa kar, çalakî û berhemên Bêşkçî û Fonda Beşikçî li Enqereyê hat kirin û serokwezîrê Kurdistanê biryar da ku, hemû kitêbên Beşikçî bo ser zimanê kurdî bên wergerandin û çap û weşandin. Herwesa li Hewlêrê liqa Fonda Bêşkçî bê vekirin da ku bibe senterê ronakbîrên Kurdistanê û weke dostekê kurd navê wî li ba nifşê paşerojê jî bi zîndî bimîne.