Êvariya roja în 23/05/2014 ji bo serdana birêz Mesûd Barzanî Serokê Herêma Kurdistanê ya Fransa, Ferîd Yasîn Balyozê Iraq li Fransa şîvek ji bo Serok Barzanî û şanda li gel saz kir ku şand ji Mesrur Barzanî Şêwirmendê Encûmena Asayîşa Herêma Kurdistanê û Fuad Husên Serokê Dîwana Serokayetiya Herêma Kurdistanê pêkhatibû.

Li vê şîvê de ku komek ji dostên şexsiyên Serok Barzanî û gelê Kurd amadebûn, xweşhaliya xwe bi vê serdanê derbirîn, her wiha li navbera amadebûyan da danustandina bîr û ramanên li ser pêvajoya giştî ya Iraq û Kurdistanê kirin. Her li vê şîvê de Balyozê Iraqê li gotarek de xweşhaliya xwe bi serdana Serok Barzanî ya Fransa derbirî û hêvî xwest, ku encamên vê serdanê ji bo gelê Kurdistan û Iraqê bi xêr be.