Partiya Demokrata Kurdistanê (PDK) li parêzgeha Mûsilê ji rêjeya dengên ku hatine jimartin 106 hezar deng bi dest xistine, ku dike 7 kursiyên Parlamentoya İraqê, ew rêje jî bilind dibe û pêşbîniya kursiyekî din tê kirin. Herwiha herdu kursiyên kota yên Şebek û Mesîhiyan jî birine.

Di vê derbarê de Berpirsê Liqa Mûsilê ya Partiya Demokrata Kurdistanê (PDK) İsmet Receb ji BasNewsê re diyar kir ku roseya hejmartina dengdan berdewame û encam ji bo PDK’ê erênî ne.

İsmet Receb wiha axifî: ‘‘Li gorî hejmara dengan heta neha PDK’ê 106 hezar deng bidest xistine ku dike 7 kursiyên Parlamentoya Iraqê û em çaverêya kursiyekî din dikin, ji ber dengên me ber bi zêdebûnê ve diçin û li piraniya cihan zêde bûne, herçiqas li çend cihan wek xwe maye û li hinek deveran jî kêm bûne.’‘ Receb got ku herdu kursiyên kota yên Şebek û Mesîhiyan jî birine.

BasNews