Piştî ku 400 malbatên Kurd ên Rojavayê Kurdistanê ji parêzgeha Helebê û derdorên wê koçber bûn û gehiştin ser sînorên Herême Kurdistanê, Asayîşa Partiya Yekîtiya Demokratîk (PYD) rê li ber wan malbatan girt û nehêle bi rêya deriyê Sêmalka derbasî Herêma Kurdistanê bibin, vêna jî wiha kir ku ew malbat ji neçarî li ser tixûbên gûndên Girbalat, Elîgamiş û Şirikê bimînin.

Di vê derbarê de rojnemevan Hisên Cemo da zanîn ku wî ji koçberan xwestiye da daxwazê ji PYD’ê bikin wan vegerînin gûnd û bajarên wan bi mercê ku Yekineyên Parstina Gel (YPG) wan biparêzin. Cemo got: ‘‘Evna merecekî zehmet e lê hêvîdar im PYD rewşa wan koçberan li ber çav bigire, rê ji wan re veke ji bo derbasî Herêma Kurdistanê bibin.’‘

Wek tê zanîn ew malbatên Kurd ji ber şer û pevçûnên parêzgeha Helebê û derdorên wê reviyane, lê asayîşa PYD’ê nahêle derbasî Herêma Kurdistanê bibin, ji ber ji aliyê xwe ve deriyê Sêmalka yê navbera Başûr û Rojavayê Kurdistanê girtiye.

BasNews