Îro li Hewlêrê Partîya Demokrata Kurdistanê (PDK)ê, ji bo bangeşeya hilbijartinên Parlemana Iraqê û civata parêzgehên Herêma Kurdistanê kombûneke cemawerî berfireh saz kir.

Kombûna cemawerîya PDKê ya îro li hember parka Şaneder a Hewlêrê hate lidarxistin, têde xêncî beşdarbûna kandîdên PDKê ji bo parlemana Iraqê û civata parêzgeha Hewlêrê, çend berpirsên pile bilindên PDKê û cîgirê serokê giştî yê PDKê Nêçîrvan Barzanî jî amade bûn.

Nêçîrvan Barzanî di mîtînga hilbijartina partîya xwe de peyvek pêşkêş kir.

Li gor dîmenan û li gor ragihandina televiziyonên nêzîkî PDKê bi dehan hezar kes îro beşdarî di mîtînga PDKê de kirine.