Serokê Herêma Kurdistanê Mesûd Barzanî pêşwaziya Serokwzîrê berê yê Iraqê Eyad Ellawî kir û ragihand, Iraq di warê siyasî de xitimiye û divê guhertinên bingehîn bên kirin.

Li gorî malpera fermî ya Serokatiya Herêma Kurdistanê, Barzanî îro li bajarokê Selahedînê yê Hewlêrê bi siyasetmedarê iraqî Eyad Ellawî û şanda pê re rûnişt.

Li gorî nûçeyê, di civînê de rewşa siyasî ya deverê her wihia rewşa ewlehî û siyasî ya Iraqê bi taybet parêzgeha Enbarê hat gotûbêjkirin.

Mijareke din a rojava civîna Barzanî û Ellawî, nakokî û arîşeyên navbera Hewlêr û Bexdayê bû. Her du lîderan anîn ziman ku Iraq di warê siyasî de gihîştiye xitimandinê û divê guhertinên bingehîn bên kirin.

Hat gotin, şanda iraqî ji Barzanî xwest, rola xwe di sererastkirin û guhertina proseya siyasî ya Iraqê de bilîze.

Rûdaw