Çar gorên din ên bikom hatin dîtin
Di vê derbarê de Rêvebera Giştî ya Gorên Bikom li Wezareta Karûbarê Şehîd û Enfalkiriyan Perwîn Nûrî ji BasNewsê re got: ‘’Çar gorên bikom hatine dîtin ku qurbaniyên Kurd têde ne. Li taxa Bextiyarî ya Xaneqîn goreke bikom hatiye dîtin û me karên yasayî temam kirine. Van nêzîkan dê were vekirin, em nizanin çend kes tê hene, dema hat vekirin dê diyar bibe.’‘
Perwîn Nûrî wiha axifî: ‘’Li sînorê Germiyan gundê Qore Tû jî goreke bikom hatiye dîtin, lê heta niha baş nayê zanîn ka gora bikom e yan na. Eger heye ku gora şerê navbera Îran û İraqê jî be, herwiha dibe leşkerên Îranî yan İraqî têde bin.’‘
Perwîn wiha dirêjî bi axaftina xwe da: ‘’Du gorên din ên bikom li Sengeser û Sersing hatine dîtin û niha xebatên me hene bo vekirina wan. Divê karekî cidî were kirin û budceyeke zêdetir ji gorên bikom re were veqetandin, ji take nasnameya Enfalê gorên bikom in.’‘
Li gor amarên Wezareta Mafê Mirov a İraqê, li tevahiya İraqê 148 navçeyên gorên bikom hene. Derheqa vê mijarê de jî Perwîn got: ‘’Li her navçeyekê çendîn gorên bikom hene, wek mînak li navçeya Meharî li yek navçeyê 6 gorên bikom hebûn ku hestiyên 730 kesan ji wan hatine derxistin. Li Hemrîn yek navçe bû, lê 92 gor lê hebûn, li cihên din jî gorên bikom hene û hê nehatine vekirin.’‘
BasNews
