Parlamenterên Lîsta Hevpeymaniya Kurdistanê merc danîne ku divê pirsa budceya İraqê nekeve bernameyê kar ê parlamentoyê, eger na beşdarî rûniştina sibe ya parlamentoyê nabin.

Li gor Rojnameya Şerq El-Ewset, Lîsta Hevpeymaniya Kurdistanê ragehandiye ku eger proje yasaya budceya giştî ya İraqê bi awayê niha bikeve bernameyê kar ê parlamentoyê, wê demê beşdarî civînê nabin, ji ber çend xal têde ne wek cezakirina Herêma Kurdistanê tên hesab kirin.

Berdevkê Hevpeymaniya Kurdistanê Mueyed Teyîb tekez kir ku bêyî çareserkirina pirsgirêk û aloziyên navbera Hewlêr û Bexdayê yên li ser xalên nakok ên budceyê, ku têde Bexda xwestiye Hewlêrê ceza bike, ew nahêlin proje-yasaya budceyê derbas bibe.

Mueyed Teyîb wiha dibêje: ‘’Yek ji xalên cihê nakokiyê derbarê petrolê de ye û Bexda, Hewlêrê ceza dike eger rojane 400 hezar bermîl petrol neşîne derve, evna jî nayê qebûl kirin.’‘

Basnews