Li Silêmaniyê teqîn: 5 kes birîndar bûn
Îşev (20.12.2013) derdora saet derdora 22:00 li devera Serçinarê ya Silêmaniyê li ber deriyê xaringehekê bombek teqiya.
Li gorî agahiyên Tora Medyayî ya Rûdawê, di bûyerê de 4 polîs û sivîlek birîndar bûn. Hat zanîn rewşa birîndarekî nebaş e.
Peyamnêrê Rûdawê ji Silêmaniyê da zanîn ku hêzên ewlehiyê derdora cihê bûyerê girtine û bi gumana hebûna otomobîlên bombekirî bi tundî kontrol dikin.
Parêzgarê Silêmaniyê Behrûz Heme Salih ku li cihê bûyerê bû, ji Tora Medyayî ya Rûdawê re got, cihê ku bombe lê teqiyaye hêzên ewlehiyê li wir dimîne ji ber wê jî teqîn li dijî hêzên ewlehiyê bûye.
Li gorî şahidekî bûyerê, dengê teqînê pir bihêz bû.
Hat zanîn ku kameraya peyamnêrê Rûdawê ji aliyê hêzên polîs ve hatiye şikandin.
Rudaw
