Li Efrînê qaçaxçiyekî Kurd ji aliyê YPGê ve hat kuştin
Peyamnêrê Rûdawê li Efrînê ragihand ku berî 2 rojan li gundê Meydan Ekbez yê Efrînê li ser sînorê di navbera Rojava û Bakurê Kurdistanê de, xurtekî kurd ji aliyê YPGê ve hat kuştin.
Her wiha got “Qaçaxçiyê bi navê Welîd Hec Yûsif piştî ku ji ser sînor vedigeriya û gihişte nav gund, YPGê ew fîşek lêxist û ew kuşt”.
Peyamnêrê Rûdawê aşkere kir qaçaxçiyên wî gundî ji Rûdawê re piştrast kirine ku “ew xort ji aliyê YPGê ve hatiyê kuştin”.
Qaçaxçiyê ku hatiye kuştin xelkêgundê “Penêreka” yê Efrînê ye û îro cenazeyê wî hate veşartin.
Gundê Meydan Ekbez ê li ser sînorê Tirkiyê gelekî ji aliyê qaçaxçiyan ve tê bikaranîn û ew zêdetir kel û pelên xwarinê derbasî Efrînê dikin.
Li gor zanyariyên ku dest Rûdawê ketine, Welîd Hec Yûsif karê wî bi tenê rakirina barên ku ji aliyê Tirkiyê dihatin Gundê Meydan Ekbez.
Rudaw
