Wezareta Navxwe ya Tirkiyê aşkere kir ku heta niha zêdetirî 500 hemwelatiyên Tirk tevlî grûpa Cebhet el-Nusra û Dewleta Îslamî li Iraq û Şamê DAÎŞê li Sûriyê bûne.

Wezareta Navxwe ya Tirkiyê di daxuyaniyekê de ragihand ku li gor çavdêrên îstixbaratî, Cebhet el-Nusra û DAÎŞê gelek ji wan hemwelatiyên Tirk birin li kampên Qaîde li Efganistan û Pakistanê perwerde kirin.

Di daxuyaniya wê wezaretê de wiha hatiye gotin “Heta niha zêdetirî 75 hemwelatiyên Tirkiyê di şerê li dijî rejîma Esed û şerê navxweyî yê Sûriyê de hatine kuştin”.

Ev cara yekê ye ku dewleta Tirkiyê ew nûçeyên tevlîbûna hemwelatiyên Tirk ji grûpên Îslamî yên radîkal re piştrast dike.

Rudaw