سەرۆکی پارتی چاکسازی تورکمان ئاماژە بەوەدەکات بەتوندترین شێوە ئیدانەی هێرشی مووشەکی بەرەبەیانی ئەمرۆی بۆ سەر بارەگایەکی هێزی پێشمەرگە دەکەین، کە بوە شەهیدبوونی ژمارەیەک پێشمەرگە و برینداربوونی ژمارەیەکی تری پێشمەرگە قارەمانەکانی کوردستان, پرسە و سەرەخۆشی قووڵی خۆمان بۆ کەس و کارو بنەماڵەی شەهیدان دەردەبڕین و هیوای زوو چاکبوونەوەش بۆ بریندارەکان دەخوازین.

ئەوەش دەخاتەروو: ئاشکرایە کە هەرێمی کوردستان بەشێک نیە لەم شەڕ و ئاژاوەی ناوچەکەی گرتۆتەوە، بەڵکو بەپێچەوانەوە هەموو هەوڵێکی دیبلۆماسی دەدرێت بۆ گرتنەبەری رێگەی ئاشتی و دوورکەوتنەوە لە شەڕ و ئاڵۆزییەکان، هەروەها هێرشکردنە سەر هێزەکانی پێشمەرگە پێشێڵکردنێکی ئاشکرایە بۆ سەر هەرێمی کوردستان و داواکارین لە حکومەتی عێراق و هێزە نێودەوڵەتیەکان بێنە سەر خەت و رێگری بکەن لە دووبارەبوونەوەی رووداوی لەم شێوەیە.