بەڕێوەبەری بنكەی پۆلیسی دۆمیز لە كەركووك ئاشكرای كرد، كە لەلایەن كوڕێكی تەمەن 16 ساڵانەوە، دەستدرێژیی سێكسی كراوەتە سەر كچێكی تەمەن 10 ساڵان و تۆمەتبارەكە دەستگیر كراوە.

ئەمڕۆ شەممە 10/10/2020، عەقید یووسف ساڵح، بەڕێوەبەری بنكەی پۆلیسی دۆمیزی كەركووك، ڕایگەیاند، لە گەڕەكی (ئەسرا و مەفقودین)ـی شارەكە، كچێكی تەمەن 10 ساڵ، بە ناوی (س، ن، ت)ـە، كە باوكی توركمانە و دایكی كوردە، لەلایەن كوڕێكی بە نەتەوە عەرەب بەناوی (ع، ف، ع) تەمەن 16 ساڵ، لە ماڵێكدا دەستدرێژیی سێكسیی دەكاتە سەر ئەو كچە و دواتریش دەستگیر كراوە.

گوتیشی، دوای لێكۆڵینەوەكانمان بۆمان دەركەوت كە چەند رۆژێك بوو ئەو كوڕە چاودێریی ئەو كچەی كردووە، دواتر بەزۆرەملێ بردوویەتیە ماڵێكەوە و بە پێی ڕاپۆرتی پزیشكی، ئەو كوڕە دەستدرێژی سێكسی تەواوی كردووەتە سەر كچەكە.












باسنیوز