بەپێی زانیاریی ناوەندی بوومەلەرزەناسیی ئێران، بەرەبەیانی ئەمڕۆ پێنجشەممە بوومەلەرزەیەک بە گوژمی 4.1 بە پلەی ڕیختەر، ناوچەی "چەقابل"ی لە نیوان دوو پارێزگاری لوڕستان و ئیلامی هەژاندووە.

ماڵپەڕی (ئیسنا)ی ئێرانی لەمبارەوە بە پشتبەستن بە دامەزراوەی "جیۆفیزیک"ی زانکۆی تاران بڵاوی کردووەتەوە، بوومەلەرزەکە کاتژمێر 4:05 چرکەی بەرەبەیانی ئەمڕۆ پێنجشەممە 2019.9.26 بە کاتی ئێران لە سنووری نێوان دوو پارێزگای لوڕستان و ئیلام لە نزیک "چەقابل" ڕووی داوە.

ئەو بوومەلەرزە لە قووڵایی ٩ کیلۆمەتریی زەوی ڕووی داوە.

سەنتەرەکەی لە ٨ کیلۆمەتری ناوچەی چەقابلی لوڕستان، ١٤ کیلۆمەتریی "دەڕەشار"ی ئیلام و ١٩ کیلۆمەتریی "پولدوختەر"ی لوڕستان بووە.

هەیا ئێستا لەبارەی زیانە گیانی و مادییەکانی ئەو بوومەلەرزەیە زانیاری بڵاو نەکراوەتەوە.













باسنيوز