سەرۆكا لیستا كلدانی وسریانی و ئاشوری ل پەرلەمامێ‌ كوردستانێ‌ دیاركركو دگەل حكومەتا هەرێما كوردستانێ‌ دەست ب هەولێن رژد هاتینە كرن بۆ چارەسەركرنا 55 كێشەیێن ئەردێ مەسیحیان ل دهۆكێ‌.

كلارا عودیشو، سەرۆكا لیستا كلدانی وسریانی و ئاشوری ل پەرلەمامێ‌ كوردستانێ‌ دیار كر: " كێشەیێن ئەردێ‌ مەسیحیان یێن سنۆرێ دهۆكێ‌ پەیدابووین بۆ سالا 1960 دزڤرن. ئەردێ‌ مەسیحیان هاتبوو داگیركرن خەلكێ‌ مەسیحی بەرەڤ پارێزگەهێن عێراقی چوون و پشتی رژێما دكتاتۆر ل عێراقی هاتیە روخاندن مەسیحیان ڤیان بزڤرن سەر گوندێن خوە لێ‌ هەتا نۆكە كێشەیێن ئەردێ‌ مەسیحیان چارەسەر نەبووینە. هندەك ژ وان كێشەیان بۆ دادگەهێ‌ هاتینە رەوانەكرن داكو بریار لسەر ئێكلایكرنا وان بهێتە دان و هندەك ژی بۆ قەرەبووكرنێ چووینە پارێزگەهێ كو راستی ژی ل سەر هندەك ئەردێ مەسیحیان كۆمەلگەهێن مەزن هاتینە چێكرن. پێدڤیە حكومەتا عێراقی پارێ مەسیحیان یێ‌ قەرەبووكرنێ‌ بدەت".

خویا ژی كر: "بۆ چارەسەركرنا هەموو كێشەیێن ئەردێ‌ مەسیحیان لسەرانسەری دهۆكێ‌ هەولدانێن رژد هەنە و حكومەتا هەرێما كوردستانێ‌ ژی یا هەڤكارە بۆ چارەسەركرنێ‌ وخەلكێ‌ مەسیحی دڤێت بگەهنە مافێ‌ خوە ئەو كێشە چارەسەر بن".











باسنيوز