ل دێرهلوكێ گورهك دهمێ چێكرنا خانیهكێ دا هاته دیتن
ئهڤرۆ 19/9/2019 مهحمود تهها، بهرپرسێ راگههاندنێ ل رێڤهبهریا ناحیا دێرهلوكێ دیاركركو ل تاخێ سهردهشتێ ل سهنتهرێ ناحیا دێرهلۆك دهمێ وهلاتیهك ئهردێ خوە راست دكهت بۆ ئاڤاكرنێ، گورهكى ل جهێ راستكرنا ئهردێ خوه دبینت و ناحیا دێرهلوكێ ئاگههدار دكهت ل سهر ڤێ چهندێ و پشتى رێڤهبهرێ ناحیا دیرهلوك دگهل سهرۆكێ باژێرڤانیێ چوینه وى جهى، دیار بوویه كو ل جهێ پارچا ئهردی ئهڤ گوره دهركهفتیه و چێدبیت هێشتا گورێن دیتر ل ناڤ پارچێن ئهردى ل وێ دهڤهرێ دهربكهڤن.
خویا ژى كر: "بهرى نۆكه ژى چوار گورێن دى دهمێ چێكرنا جادێ هاتبوونه دیتن و ب رازیبوونا ئهوقافێ و پشتى ڤهدیتن بۆ هاتیه كرن هاتنه ڤهگوهاستن بۆ گورستانا دێرهلۆك كو ههر ل سهر وێ رازیبوونا بهرى نۆكه ههر گورهكى دهركهڤیت دێ هێته ڤهگوهاستن بۆ گورستانى".
باسنيوز
