پێشنیوەڕۆی ئەمڕۆ دووشەممە سەرۆکی هەرێمی کوردستان، لە هەولێر پێشوازی لە سەرۆکی فراکسیۆنی دیداری دیموکراتی لە پەرلەمانی لوبنان و شاندی یاوەری کرد.

نێچیرڤان بارزانى، سەرۆکى هەرێمى کوردستان لە دیدارێکدا لەگەڵ تەیموور جونبڵات، سەرۆکى فراکسیۆنى دیدارى دیموکراتى لە پەرلەمانى لوبنان و شاندێکى یاوەری، دۆخ و پرۆسەى سیاسى لە لوبنان، پەیوەندییەکانى هەولێر و بەغدا و مەترسییەکانى تیرۆر لە وڵاتانى ناوچەکە و گرنگیى ڕووبەڕووبوونەوەى بیرى تیرۆر و توندڕەوییان تاوتوێ کرد.

لە دیدارەکەدا کە ئەمڕۆ دووشەممە 16/9/2019 لە هەولێر بەڕێوە چوو، هەردوولا کار و پرۆژەکانى وەبەرهێنەرانى لوبنانى و دۆخى رەوەندى لوبنانیان لە هەرێمى کوردستان خستە بەرباس و جەختیان لە برەودان بە پەیوندییەکانی هەرێمى کوردستان و لوبنان کردەوە.











باسنيوز