ل دهۆكێ 713 دار دهێنە ڤەگوهاستن ژبەر چێكرنا ئەندەرپاسان
ئیسماعیل مستەفا، بەرپرسێ پەیوەندی و راگەهاندنێ ل سەرۆكاتیا باژێرڤانیا دهۆكی دیار كر: "ژبەر چێكرنا دوو ئەندەر پاسان ل دهۆكێ ئەڤ دار دهێنە راكرن بۆ جهەكێ دی دهێنە ڤەگوهاستن. نها دارێن ل نێزیك فەرماندەیا دهۆكێ هاتینە ڤەگوهاستن ودێ یێن نیزیك پەرتوكخانا بەدرخانیا ژی هێنە راكرن وڤەگوهاستن بۆ جهەكێ دی. ل دووڤ پلانا رێڤەبەریا ئەندازە یا پاركان ل دهۆكێ دهێنە چاندن ل جهەكێ دی. ژبەر ڤان هەردوو ئەندەرپاسان دێ 713 دار ل سەر جادا گشتی یا دهۆكێ بهێنە راكرن و ڤەگوهاستن ب شیوەیەكێ زانستی".
خویا ژی كر: "ئەڤ دارێن هاتینە چاندن ژیێ وان ناڤبەرا 5 هەتا 15 سالان دایە وباژێرڤانیا دهۆكێ بۆ زێدەكرنا رێژا كەسكاتیێ گەلەك چاڤدێری و سەخبیریا داران دكەت. نۆكە هەتا رادەیەكێ باش كەسكاتی ل دهۆكێ زێدەبوویە. ئەڤ دارێن دهێنە راكرن ژی دێ ل جهەكێ دی یێ پێدڤی هێنە چاندن".
باسنيوز
