لە شاری بەدلیسی باکووری کوردستان، لە ئەنجامی ڕووداوێکی هاتوچۆ، ١٠ کەس گیانیان لەدەست دا و ژمارەیەکیش بریندار بوون.

میدیاکانی تورکیا بڵاویان کردووەتەوە، بەیانیی ئەمڕۆ چوارشەممە ١١ی ٩ی ٢٠١٩، لە ئەنجامی وەرگەڕانی پاسێک لە ناوچەی (هیزان)ی سەر بە شاری بەدلیسی باکووری کوردستان، ٨ کەس گیانیان لەدەست داوە و ٩ی دیکەش بریندار بوون.

دوای گەیاندنی بریندارەکان بە نەخۆشخانە، ٢ لە بریندارەکان گیانیان لەدەست داوە و ژمارەی مردووەکان بۆ ١٠ کەس بەرز بووەتەوە.

تا ئامادەکردنی ئەم هەواڵە، هیچ زانیارییەکی فەرمی لەبارەی رووداوەکە بڵاو نەکراوەتەوە.











باسنيوز