ل دهۆكێ جهێن گەشتیاری و قوتابخانە دھێن پاقژكرن
محەمەد تاهر بریفكانی، رێڤەبەرێ فەرمانگەها ژینگەها دهۆكێ دیار كر: "دگەل هەر ئێك ژ شارەوانیا دهۆكێ و رێڤەبەریا دارستان و پاوانێ و باژێرڤانیان و رێكخراوا giz دێ چەندین پرۆژەیێن پاقژكرنێ و كەزاختنا داروباران ل دهۆكێ دەست پێ كەن. ژوانا ژی ل رێڤەبەریا گشتی یا باژێرڤانیان هەتا 600 كرێكاران دێ جهێن گەشتیاری پاقژكەن و دگەل رێڤەبەریا دارستان و پاوانێ دێ هەتا 250 كرێكاران ب كارێ كەزاختنا داران رابن و دگەل رێڤەبەریێن پەروەردیێن دهۆكێ هەتا 60 كرێكاران دی بكارێ پاقژكرنا قوتابخانەیان رابن".
خویا ژی كر: "پرۆژەیێن پاقژكرنێ دێ دەستپێكا هەیڤا بهێت دەست پێ كەن هەتا 80 قوتابخانەیان ژی دهێنە پاقژكرن پێخەمەت دابینكرنا ژینگەهەكا باش بۆ قوتابیان و چەندین داروبار ژی دهێنە كەزاختن وجهێن گەشتیاری دهێنە پاقژكرن".
باسنیوز
