وه‌زاره‌تى دارایی و ئابووریی حكوومه‌تى هه‌رێمى كوردستان، دەست بە دابەشکردنی مووچەی مانگی 6 ده‌كات.

بەپێی ئەو لیستەی لە گەنجینەی وەزارەتی دارایی و ئابوورى ده‌ست (باسنیوز) كه‌وتووه‌، ڕۆژی یەکشەممە 2019/9/8 مووچەی دیوانی وەزارەتی پێشمەرگە و لیواکان خەرج دەکرێت.

هه‌ر له‌باره‌ى دابه‌شكردنى مووچه‌وه‌، سەرچاوه‌یەک لە وەزارەتی دارایی و ئابوورى بە (باسنیوز)ی ڕاگەیاند: "بڕیار بوو 4ی مانگ دەست بە دابەشکردنی مووچە بکرێ، بەڵام بەهۆی گرفتێکی تەکنیکییه‌وه‌ دواکەوت".