سزایی تەمەلی، هاوسەرۆکی گشتیی هەدەپە و سەرۆکی شاندەکەی پارتی دیموکراتی گەلان بۆ هەرێمی کوردستان، ئەمڕۆ شەممە لە پرێس کۆنفرانسێکدا ئاشکرای کرد، سەرۆک بارزانی بۆ کورد و گەلانی دیکە سەرکردەیەکی گرنگ و پێشەنگە.



هاوسەرۆکی هەدەپە ڕاشی گەیاند: "ئێمە لەمێژ بوو دەمانەویست سەردانی هەرێمی کوردستان بکەین و دەمانەوێت بۆچوونی سەرۆک بارزانی لەسەر پرسە گەرمەکانی ناوچەکە بزانین و هاتووین و سەردانی دەکەین."



ئاماژەی بەوەش کرد: "ئەگەر تورکیا بیهەوێ هەنگاوێک لەڕاستای پرۆسەی ئاشتیدا هەڵبگرێت، زۆر گرنگ دەبێت، بەڵام ئەمڕۆ دەسەڵاتداریی حکوومەت گوێی خۆیان ئاخنیوە و گوێ لە کەس ناگرن و هەنگاو بۆ هیچ چارەسەرییەک هەڵناگرێت".



بڕیارە ئەو شاندەی هەدەپە لە هەرێمی کوردستان، سەرەتا سەردانی سەرۆک بارزانی بکەن و پاشان لەگەڵ چەند لایەنێکی دیکەی سیاسیی هەرێمی کوردستانیش کۆ ببنەوە.









باسنيوز