بەپێی زانیاریی ڕاگەیاندنی بەڕێوەبەرایەتیی پۆلیسی ڕاپەڕین، ئەمڕۆ بەهۆی رووداوێکی هاتوچۆ لە ناحیەی "سەرکەپکان" کەسێکی گیانی لەدەست داوە.

لەمبارەوە بەڕێوەبەرایەتیی ڕاگەیاندنی پۆلیسی ڕاپەڕین ڕاگەیەندراوێکی بڵاو کردووەتەوە و تییدا هاتووە:

کاتژمێر ١٢ی نیوەڕۆ ئەمرۆ چوارشەممە ٤ی٩ی٢٠١٩ هاووڵاتییەک بەناوی (ب.د) تەمەن ٢٦ ساڵ لە رەگەزی نێر، لە گوندی (پاشکۆتەڵ)ی سەر بە ناحیەی سەرکەپکان بە ئۆتۆمبێلەکی BMWەوە وەرگەڕاوە و بەو بۆنەوە گیانی لەدەست داوە."

باس لەوەش کراوە لە کاتی ڕووداوەکەدا تەنیا خۆی سەرنشین بووە و پاشان تەرمەکەی ڕەوانەی نەخۆشخانەی گشتیی ڕانیە کراوە و پاش پشکنینی پزیشکی دادوەری، تەرمەکەی ڕادەستی کەسوکاری کراوەتەوە.

هاوکات لە پۆلیسی ڕاپەڕین مەلەفی لێکۆڵینەوە و بەدواداچوون لە ڕووداوەکە کراوەتەوە.













باسنيوز