شاندەكێ ئێدارا شنگال بۆ پاراسنتنا دەنگێن وەلاتیان دێ قەستا بەغدا كەت
وەیس نایف، سەرۆكێ جڤاتا قەزا شنگال دیار كر: "پشتی بریار هاتیە دان دەنگدەر ل پارێزگەهیێن خوە دەنگێ خوە بدەن بۆ هەلبژارتنێن بهێت یێن جڤاتێن پارێزگەهیێن عێراقی مەترسیەكا مەزن ل سەر سووتنا دەنگێن خەلكێ شنگال هەیە چونكو خەلك ئاوارە ل دهۆكێ دژین نەشین ڤەگەرنە مووسل بۆ دەنگدانی لەورا ئەم نها یێ كار دكەن بچنە بەغدا دگەل نەتەوەیێن ئیكگرتی و كۆمیسیونی و پەرلەمانێ عێراقی گەنگەشی ل سەر ڤی چەندی بكەن ونەهیلین دەنگێن دەنگدەرێن شنگال بهێنە سووتن".
خۆیا ژی كر: "ئەم دبینن هەكە هەر دەنگدەر ل پارێزگەها خوە دەنگێ خوە بدەت ئەڤە دی بیتە جینوسایدەكا دی بسەری خەلكێ شنگال بهیت چونكو دێ خەلكێ شنگال ژ هەلبژارتنان ژی هێنە بێ بەهركرن لەورا ئەم یێ هەموو هەولدانان دكەین ڤێ كێشەیی چارەسەربكەن نەهێلن دەنگێ خەلكێ شنگال ل هەلبژارتنێن بهێت یێ عێراقی بهێنە سووتن".
باسنيوز
